თქვენი განათლების საწინდარში

საქართველოს ხელისუფლების ამჟამინდელი ურთიერთობა რუსეთთან გამოკითხულთა 72%–ს არ მოსწონს ( ოთხშაბათი, 18 დეკემბერი

gela — Thu, 02 Jan 2014 09:08:26 GMT

თბილისი (BPI) – NDI–ს მიერ გამოკითხულთა 36% მიიჩნევს, რომ რუსეთი საქართველოსთვის საფრთხეს წარმოადგენს, მაგრამ ეს საფრთხე გაზვიადებულია, გამოკითხულთა 35%–ის აზრით, რუსეთი რეალური და არსებული საფრთხეა, ხოლო 23% ფიქრობს, რომ იგი საქართველოსთვის არანაირ საფრთხეს არ წარმოადგენს.

ამასთან, საქართველოს ხელისუფლების ამჟამინდელი ურთიერთობა რუსეთთან გამოკითხულთა 72%–ს არ მოსწონს, ხოლო 32%–ს მოსწონს.

რაც შეეხება მოლაპარაკებებს ქართული ღვინის, მინერალური წყლისა და ხილის რუსეთის ბაზარზე დაბრუნების შესახებ, გამოკითხულთა 90%-ისთვის ეს მისაღებია.

ექსპერტიზის ბიურო მომხმარებლებს ქონების ზუსტი ღირებულების განსაზღვრის სერვისს სთავაზობს ( ოთხშაბათი, 18 დეკემბერი

gela — Thu, 02 Jan 2014 09:08:07 GMT

თბილისი (BPI) – ექსპერტიზის ეროვნული ბიუროსთვის ერთ-ერთ მნიშვნელოვან მიმართულებას უძრავი ქონების შეფასება წარმოადგენს. საქართველოში უძრავი ქონების ბაზარი ყოველწლიურად იზრდება, დღეისთვის საკმაოდ აქტუალური საკითხებია უძრავი ქონების შეფასება ყიდვის ან გაყიდვის დროს; ქონების ბალანსზე ასაყვანად/ჩამოსაწერად; ქონებრივი დავის, კრედიტის აღების, ზარალის განსაზღვრისა და სხვა შემთხვევებში.

ექსპერტიზის ეროვნულ ბიუროში მომსახურების საერთაშორისო ხარისხის დაცვით უმოკლეს ვადაში მოგაწვდით სრულყოფილ დასკვნას თქვენთვის საჭირო ქონების საბაზრო ღირებულების შესახებ.
ქვეყანაში ბევრი კომპანიაა, რომელიც მომხმარებელს უძრავი ქონების შეფასებას თავაზობს. სსიპ ლევან სამხარაულის სახელობის სასამართლო ექსპერტიზის ეროვნული ბიურო ერთადერთი დაწესებულებაა, სადაც უძრავი ქონების შეფასებას ახორცილებენ ექსპერტები, რომლებსაც IშO 17025 სერტიფიკატი აქვთ მოპოვებული. აღსანიშნავია, რომ სერტიფიკატების განახლება ყოველ ორ წელიწადში ერთხელ ხდება. სასაქონლო ექსპერტიზის სამმართველოს ექსპერტები უძრავ-მოძრავი ქონების შეფასებას ახორციელებენ შეფასების საერთაშორისო სტანდარტების საბჭოს წევრი მიწის და უძრავი ქონების პროფესიონალთა ასოციაციის მიერ მინიჭებული შესაბამისობის სერტიფიკატების საფუძველზე.
აღსანიშნავია, რომ უძრავი ქონების შეფასებაში დიდი წილი მოდის თბილისის ძველ უბნებში კერძო საცხოვრებელი სახლების შეფასებაზე. ამას განაპირობებს დღემდე არსებული მოუწესრიგებელი ურთიერთობა მესაკუთრეებსა და მოსარგებლეებს, ე.წ. „ატსტუპნიკებ"-ს შორის. აღნიშნულ ტიპის ქონებების შეფასებისას გამოსაკვლევი ობიექტი ძირითად შემთხვევაში წარმოადგენს არა მთლიან უძრავ ქონებას, არამედ მის ნაწილს, ზოგჯერ მხოლოდ 1 ოთახს ან/და საერთო სარგებლობის ფართებს, ხშირ შემთხვევაში სადაო ობიექტებს დაკარგული აქვთ პირვანდელი სახე, შეცვლილი აქვთ ფართობი, რა დროსაც ჩნდება საინჟინრო ექსპერტიზის ჩართვის საჭიროება.
სასაქონლო ექსპერტიზის განყოფილებაში ასევე ხშირად ხდება გამიჯვნის შემდგომ უძრავი ქონების შეფასება, რა დროსაც ექსპერტის მიერ, საინჟინრო კვლევის შედეგებზე დაყრდნობით დგინდება, ამცირებს თუ არა გამიჯვნა გამოყოფილი წილების საბაზრო ღირებულებას, და თუ ამცირებს რა ოდენობით.
სსიპ ლევან სამხარაულის სახელობის სასამართლო ექსპერტიზის ეროვნული ბიუროს მიერ შეფასებულ ქონებას ლეგიტიმურად ცნობს, როგორც სასამართლო ისე ნებისმიერი ადგილობრივი თუ საერთაშორისო დაწესებულება.
ექსპერტიზის ეროვნულ ბიუროში ეს სერვისი ყოველწლიურად სულ უფრო მოთხოვნადი ხდება. ამ დარგის ექსპერტები მუდმივად გადიან ტრენინგებს უძრავი ქონების ახალი ეფექტური მეთოდების დანერგვის მიზნით.
უძრავი ქონების შეფასება ბიუროს ექსპერტების მიერ ხორციელდება შემდეგი მიმართულებებით: მიწის ნაკვეთისა და შენობა-ნაგებობების საბაზრო ღირებულების დადგენა; მიწის ნაკვეთისა და შენობა-ნაგებობების საიჯარო ღირებულების დადგენა; მიწის ნაკვეთისა და შენობა-ნაგებობების საბაზრო ღირებულების დადგენა სხვადასხვა წლების მდგომარეობით; მიწის ნაკვეთისა და შენობა-ნაგებობების საბალანსო ღირებულების დადგენა.
უძრავი ქონების შეფასება შემდეგ საფეხურებს მოიცავს:
შესაფასებელი უძრავი ქონების ადგილზე დათვალიერება და დასურათება;
შესაფასებელი უძრავი ქონების შესახებ იურიდიული და ფიზიკური მონაცემების მოპოვება (ამონაწერი საჯარო რეესტრიდან, საკადასტრო რუკა, აზომვითი ნახაზი);
იმ შემთხვევაში თუ არ არის ხელმისაწვდომი შესაფასებელი ქონების ფართობი, კვლევაში ერთვება ბიუროს საინჟინრო ექსპერტიზის სამმართველო;
შეფასების სამი მეთოდიდან ერთ-ერთის შერჩევა.
საბაზრო ღირებულების შეფასებისთვის გამოიყენება სამი ძირითადი მეთოდი:
გაყიდვების შედარების მიხედვით მიდგომა:
გულისხმობს შესაფასებელი ობიექტის პირდაპირ შედარებას ანალოგების იმ მონაცემებთან, რომლებიც გაყიდულ იქნა ან რომლებიც განცხადებული არიან გასაყიდად.
გაყიდვების შედარებაზე დაფუძნებული მიდგომის გამოყენებისას, შემფასებელი ანხორციელებს ქმედებების შემდეგ თანმიმდევრობას:
იკვლევს ბაზარს (ახდენს ბაზრის იმ მონაცემების მოპოვებასა და ანალიზს, რომლებიც საშუალებას იძლევიან დადგინდეს ანალოგიური უძრავი ქონების ობიექტები);
ადგენს ინფორმაციის სისწორეს;
არჩევს შედარების იმ ელემენტებს, რომელთა მეშვეობითაც შემდგომში განახორციელებს შესაფასებელი ქონების შედარებას ანალოგებთან;
აკორექტირებს ანალოგების შერჩეული ელემენტის ფასებს შესაფასებელი უძრავი ქონების ელემენტებთან მიმართებაში;
ადგენს შესაფასებელი უძრავი ქონების საბაზრო ღირებულებას ანალოგებთან
დაკორეკქტირებული ფასების შეჯერების გზით.
შემოსავლების მიხედვით მიდგომა
გულისხმობს უძრავი ქონებიდან მომავალი შემოსავლების მიმდინარე ღირებულების დადგენას პირდაპირი კაპიტალიზაციით ან ფულადი ნაკადების დისკონტირების გამოყენებით. (აღნიშნული მეთოდი გულისხმობს რომ უძრავი ქონების საბაზრო ღირებულება პირდაპირ კავშირშია მის გასაქირავებელ ფასთან და საბაზრო ღირებულება დგინდება საიჯარო ფასის მიხედვით).
დანახარჯების მიხედვით მიდგომა
დგინდება მიწის ნაკვეთის (როგორც ვაკანტურის) საბაზრო ღირებულება, რომელსაც ემატება იდენტური (ანალოგიური) შენობა-ნაგებობის ახალი მშენებლობის ხარჯები და სამეწარმეო (დეველოპერის) მოგება და აკლდება ყველა სახეობების ცვეთა (ფიზიკური, ფუნქციონალური და ეკონომიკური).

ლიტვა ნატო–ს მომავალ სამიტზე საქართველოსთვის MAP–ის მინიჭებას მხარს უჭერს ( სამშაბათი, 17 დეკემბერი 2013 20:00)

gela — Thu, 02 Jan 2014 09:06:25 GMT

თბილისი (BPI) – საქართველოს უწყებათაშორისმა დელეგაციამ ლიტვაში კონსულტაციები გამართა.

დელეგაციას, რომელშიც საგარეო საქმეთა და თავდაცვის სამინისტროს წარმომადგენლები შედიოდნენ, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის პირველი მოადგილე დავით დონდუა ხელმძღვანელობდა. კონსულტაციებზე ლიტვის მხარეს საგარეო საქმეთა მინისტრის პირველი მოადგილე ანდრიუს კრივასი ხელმძღვანელობდა.

კონსულტაციების დღის წესრიგში იყო მზადება ნატო–ს 2014 წლის სამიტისათვის, საქართველოს ნატო–ში ინტეგრაციის საკითხები, უსაფრთხოების ვითარება საქართველოსა და სამხრეთ კავკასიაში, საქართველო-რუსეთის ურთიერთობები, ევროპაში ჩვეულებრივი შეიარაღებული ძალების ხელშეკრულებაზე განახლებული მოლაპარაკებები, საქართველოს მონაწილეობა საერთაშორისო მისიებში, ბირთვული უსაფრთხოება და თანამშრომლობა თავდაცვის სფეროში.

ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატის ინფორმაციით, კონსულტაციების დროს აღინიშნა, რომ ლიტვა მხარს უჭერს ნატო–ს მომავალ სამიტზე საქართველოსთვის გაწევრიანების სამოქმედო გეგმის მინიჭებას და ყველანაირად დაეხმარება საქართველოს ამ მიმართულებით. მაღალი შეფასება მიეცა საქართველოში მიმდინარე დემოკრატიულ რეფორმებს, წარმატებულად ჩატარებულ საპრეზიდენტო არჩევნებს, საქართველოს აქტიურობას საერთაშორისო სამშვიდობო მისიებში.

ლიტველმა კოლეგებმა საქართველოს ვილნიუსის სამიტზე ასოცირების შეთანხმებისა და ღრმა და ყოვლისმომცველი თავისუფალი ვაჭრობის სივრცის დოკუმენტის პარაფირება მიულოცეს და იმედი გამოთქვეს, რომ მათი ხელმოწერა დროულად მოხდება. აღინიშნა ევროკავშირთან ჩარჩო ხელშეკრულების გაფორმების მნიშვნელობა, რაც საშუალებას აძლევს საქართველოს ევროკავშირის ეგიდით წარმოებულ კრიზისების მართვის ოპერაციებში მონაწილეობა მიიღოს. ქართულმა დელეგაციამ ლიტვის მხარეს ინფორმაცია მიაწოდა ოკუპირებულ ტერიტორიებზე მიმდინარე მოვლენების თაობაზე, მათ შორის მავთულხლართების განახლებულ გავლებაზე. ლიტვის მხარემ დაადასტურა საქართველოს ტერიტორიული მთლიანობის მხარდაჭერა და დაგმო რუსეთის დესტრუქციული ქმედებები.

თავდაცვის სამინისტროს წარმომადგენლებმა ხელი მოაწერეს საქართველოს თავდაცვის სამინისტროსა და ლიტვის ეროვნული თავდაცვის სამინისტროს შორის 2014 წლის თანამშრომლობის გეგმას.

ლიტვის პარლამენტში საქართველოს დელეგაცია საგარეო ურთიერთობათა კომიტეტის თავმჯდომარეს პროფესორ ბენედიქტას იოდკას შეხვდა.

გარდა ამისა, ვილნიუსის უნივერსიტეტის საერთაშორისო ურთიერთობებისა და პოლიტიკური მეცნიერების ინსტიტუტში გაიმართა მრგვალი მაგიდა თემაზე: საქართველოს გზა ნატოსა და ევროკავშირისკენ: შესაძლებლობები და გამოწვევები. მრგვალ მაგიდაში მონაწილეობდენ უნივერსიტეტის სტუდენტები, აკადემიური წრეებისა და მედიის წარმომადგენლები.

ეროვნული ბანკის შუამდგომლობამ სწრაფი გადახდის კომპანიებს იმედი ჩაუსახა ( ოთხშაბათი, 18 დეკემბერი 2013 00:00)

gela — Thu, 02 Jan 2014 09:04:15 GMT

თბილისი (BPI) - ეროვნული ბანკის შუამდგომლობით შესაძლოა სწრაფი გადახდის ყველა კომპანიას მობილურის ბალანსის შევსებაზე ნულოვანი საკომისიო დაუწესდეს.

შეგახსენებთ, რომ სწრაფი გადახდის კომპანიებს მობილურმა ოპერატორებმა სუბსიდირება შეუწყვიტეს და 4%–იანი საკომისიოს გადახდა მობილურის შევსებაზე მომხმარებელს უწევს. გამონაკლისი „საქართველოს ბანკის" სწრაფი გადახდის აპარატებია, რასაც სხვა კომპანიები აპროტესტებენ. როგორც სწრაფი გადახდის კომპანიების ადვოკატმა ,,კომერსანტს’’ აცნობა, ეროვნული ბანკი დაინტერესებულია არსებული პრობლემით და მათი მიზანი სწრაფი გადახდის ბიზნესის კონკურენტულ პირობებში განვითარებაა.

აკაკი ჩარგეიშვილის თქმით, მობილურ ოპერატორებს, სწრაფი გადახდის ბიზნესს და კომუნიკაციების მარეგულირებელი კომისიას შორის შეხვედრა მზადდება. ადვოკატის თქმით, ვიდრე შეხვედრა არ შედგება, სწრაფი გადახდის აპარატების ბიზნესის მომზადებული კანონპროექტი, რომელიც ბანკებისათვის საგადახდო ბიზნესის შეზღუდვას ითვალისწნებს, პარლამენტში არ შევა. თუმცა, თუ ეროვნული ბანკის შუამდგომლობით გამართულ შეხვედრას კონკრეტული შედეგები არ მოჰყვა, კანონპროექტის გატანა საგაზაფხულო სესიაზე მოხდება.

გიორგი სიგუა: 2013 წელი ქართული ტურიზმისთვის უპრეცენდენტოდ წარმატებული გამოდგა ( ოთხშაბათი, 18 დეკემბერი 2013 00:00)

gela — Thu, 02 Jan 2014 09:03:00 GMT

თბილისი (BPI) - „2013 წელი ქართული ტურიზმისთვის უპრეცენდენტოდ წარმატებული გამოდგა", - აღნიშნულის შესახებ განცხადებას ტურიზმის ეროვნული ადმინისტრაციის ხელმძღვანელმა გიორგი სიგუამ გააკეთა, რომელმაც დღეს ადმინისტრაციის მიერ 2013 წელს შესრულებული სამუშაოს ანგარიში წარმოადგინა.

როგორც გიორგი სიგუამ აღნიშნა, ტურიზმის ეროვნული ადმინისტრაციის პოლიტიკა დარგის მაქსიმალურად მცირე დროში განვითარებისკენაა მიმართული.

„2013 წელი ქართული ტურიზმისთვის უპრეცენდენტოდ წარმატებული გამოდგა. ჩვენ ევროპის მასშტაბით ყველაზე შთამბეჭდავი ზრდა გვაქვს. გაეროს მსოფლიო ტურიზმის ორგანიზაციის ანგარიშშიც საქართველომ უმაღლესი შეფასება მიიღო. ზრდა აღინიშნება, როგორც საერთაშორისო მოგზაურების რაოდენობაში, რამაც 5 მილიონს გადააჭარბა, ასევე განთავსების საშუალებების დატვირთვის კოეფიციენტის მატების კუთხითაც. განსაკუთრებულ აღნიშვნას იმსახურებს გაზრდილი მაკროეკონომიკური მაჩვენებლები, მათ შორის საერთაშორისო შემოსავლები, ტურიზმის წილი მთლიან შიდა პროდუქტში და დასაქმება. 2014 წელს ტურიზმის ეროვნული ადმინისტრაცია გაორმაგებული ბიუჯეტით და გაორმაგებული ძალებით იმუშავებს 3 პრიორიტეტულ მიმართულებაზე. ეს არის მიზნობრივ ბაზრებზე პოზიციონირება, ტურისტული ინფრასტრუქტურის განვითარება - მოწესრიგება და მომსახურების ხარისხის გაუმჯობესებაზე ზრუნვა" - განაცხადა გიორგი სიგუამ.

სიგუას განმარტებით, 2013 წელს ტურიზმის ეროვნულ ადმინისტრაციაში არაერთი უპრეცენდენტო და მასშტაბური პროექტი განხორციელდა, მათ შორის:

ახალი ტურისტული პორტალი www.georgia.travel - ტურიზმის ეროვნულმა ადმინისტრაციამ დაიწყო ახალ ტურისტულ პორტალზე მუშაობა და საწყისი ვერსიაც გაუშვა. მისი მეშვეობით მოგზაურები მაქსიმალურ ინფორმაციას მიიღებენ საქართველოს შესახებ. ონლაინ რუკის მეშვეობით შეძლებენ მოინიშნონ მათთვის სასურველი ლოკაციები და რეგისტრაციის გავლის შემდეგ დაგეგმონ და განახორციელონ მარშრუტები. ასევე რეგისტრირებულ მომხმარებლებს შეეძლებათ მეგობრებს გაუზიარონ მათი მოგზაურობის ამსახველი ფოტო და ტექსტური მასალა, შეაფასონ და დაწერონ რევიუები კონკრეტული ლოკაციების შესახებ. ახალ პორტალზე იქნება წარმოდგენილი ბრენდირებული გვერდები ქართული ფოლკლორი, ნაციონალური სამოსისა და კულტურის შესახებ. ყველა ეს ინფორმაცია თუ ფუნქცია მარტივი მოსახმარი იქნება და ტურისტებს შეეძლებათ ერთგვარი სამოგზაურო დღიური შექმნან.

24 საათიანი ცხელი ხაზი ტურისტებისთვის - საქართველოში ტურისტებისთვის 24 საათიანი ცხელი ხაზი ამუშავდა. ნომერზე - 0 800 800 909 როგორც უცხოელ, ასევე ადგილობრივ მოგზაურებს საშუალება ექნებათ მიიღონ ამომწურავი ინფორმაცია განთავსების, გადაადგილება-ტრანსპორტირებისა და კვების ობიექტების შესახებ სრულიად უფასოდ. სურვილის შემთხვევაში მიეცემათ რეკომენდაციები ტურისტული ბილიკებისა და მარშრუტების, ასევე ქვეყანაში დაგეგმილი ეროვნული დღესასწაულების, ფესტივალებისა და სხვა აქტივობების შესახებ.

ახალი ტურიზმის საინფორმაციო ცენტრები - ამ დროისათვის სრულდება თბილისის, მარტვილისა და ჩხოროწყუს საინფორმაციო ცენტრების მშენებლობა. 2014 წელს ტურიზმის საინფორმაციო ცენტრები გაიხსნება ბაკურიანში, ყაზბეგში, ზუგდიდსა და ფოთში.

ტურიზმის ელჩები - საქართველოს ტურიზმის ეროვნული ადმინისტრაციის ინიციატივით, მიზნობრივ ქვეყნებში „საქართველოს ტურიზმის საპატიო წარმომადგენლები" დაინიშნა. წარმომადგენლების ძირითადი მისია საქართველოს ცნობადობის გაზრდა და ქვეყნის ტურისტული იმიჯის პოპულარიზაცია იქნება.

მობილური გიდები - ტურიზმის ეროვნულმა ადმინისტრაციამ დედაქალაქის სტუმრებს ახალი სერვისი „მობილური გიდები" შესთავაზა. ქ. თბილისში ტურისტულად დატვირთულ ადგილებში გადაადგილდებოდნენ მობილური ჯგუფები და ტურისტებს უზრუნველყოფდნენ მათთვის საჭირო ინფორმაციით სრულიად უფასოდ. პროექტი მიზნად ისახავდა ზაფხულის სეზონზე მიმზიდველი ტურისტული ადგილების პოპულარიზაციას, როგორც უცხოელი, ასევე ადგილობრივი მოგზაურებისთვის.

პრეს და გაცნობითი ტურები - მომზადდა ასეულობით სტატია უცხოურ პრესაში

წარმატებული კამპანიები მიზნობრივ ბაზრებზე - განხორციელდა უკრაინის ძირითად ქალაქებში, ასევე აზერბაიჯანში, ლიტვასა და ლატვიაში.

საკონვენციო ბიუროს შექმნა - საქართველო რამდენიმე თვის წინ გახდა ICCA-ს (საერთაშორისო კონგრესებისა და შეკრებების ასოციაცია) წევრი. ორგანიზაციის წევრობა ხელს შეუწყობს ქვეყანაში საერთაშორისო ღონისძიებების ჩატარებას და მრავალრიცხვოვანი უცხოური დელეგაციების მოზიდვას.

სახელმწიფო საგარეო ვალი ნოემბერში შემცირდა( სამშაბათი, 17 დეკემბერი 2013 20:00)

gela — Thu, 02 Jan 2014 09:01:41 GMT

თბილისი (BPI) - ფინანსთა სამინისტროს ინფორმაციით, სახელმწიფო საგარეო ვალის მოცულობამ ნოემბრის ბოლოსთვის $4.203 მლრდ შეადგინა, ხოლო ოქტომბრის ბოლოს - $4.205 მლრდ. შესაბამისად, 1 თვეში ვალი $2 მლნ-ით არის შემცირებული.

წლის დასაწყისში სახელმწიფო საგარეო ვალის მოცულობა $4.357 მლრდ იყო და გამოდის, რომ 11 თვეში სახელმწიფომ საგარეო ვალი $154 მლნ-ით შეამცირა.

ნოემბრის ბოლოსთვის მთლიანი საგარეო ვალიდან, $4.055 მლრდ მთავრობის საგარეო ვალია, ხოლო ეროვნული ბანკის დავალიანება $147.687 მლნ-ს შეადგენს.

შაჰ-დენიზის პროექტის ფარგლებში, საქართველოში 700 მლნ დოლარამდე ინვესტიცია განხორციელდება ოთხშაბათი, 18 დეკემბერი 2013 09:26

gela — Thu, 02 Jan 2014 08:59:12 GMT

თბილისი (BPI) - საქართველოში მზისა და ქარის ელექტროსადგურების განვითარება იგეგმება. სასტუმრო "შერატონ მეტეხი პალასში" ენერგეტიკის მინისტრი კახა კალაძე და ამერიკული კომპანიის "აელუს აპოლო ალტო ენერჯი" დირექტორი მუკემელ სარიმსაკჩი დღეს თანამშრომლობის შესახებ მემორანდუმს მოაწერენ ხელს.

ინვესტორი და სამინისტროს შვილობილი კომპანია "საქართველოს ენერგეტიკის განვითარების ფონდის" დირექტორი გიორგი ბეჟუაშვილი პარტნიორობის შესახებ შეთანხმებასაც გააფორმებენ.
შეთანხმება ახალი კომპანიის დაფუძნებას გულისხმობს, რომელიც მთელი ქვეყნის მასშტაბით 400 მგვტ-მდე ქარისა და მზის პოტენციური ელექტროსადგურების კვლევა-განვითარებას განახორციელებს.

კომპანიაში "ენერგეტიკის განვითარების ფონდის" წილი 15%-ით განისაზღვრება, ხოლო "აელუს აპოლო ალტო ენერჯის" - 85%-ით. პირველ ეტაპზე ქარისა და მზის ელექტროსადგურების მიზანშეწონილობის ტექნიკურ-ეკონომიკური შესწავლა განხორციელდება, რომლის დასრულების შემდეგაც ელექტროსადგურების მშენებლობის კონკრეტული ადგილები დადგინდება.

გარდა ამისა, 19 დეკემბერს, 15:00 საათზე შპს "აელუს ალტო ენერჯის" წარმომადგენლი/სტენფორდის უნივერსიტეტის ლექტორი ტონი სება თბილისის სახელმწიფო უნივერსიტეტთან არსებულ ეკონომიკის საერთაშორისო სკოლაში (ISET) ალტერნატიული ენერგეტიკის წყაროების შესახებ ლექციას წაიკითხავს.

ბანკების მთლიანი გამოშვება ოქტომბერში შემცირდა

gela — Sat, 07 Dec 2013 13:20:09 GMT

თბილისი (BPI) - „საქსტატის" წინასწარი ინფორმაციით, ამ წლის ოქტომბერში კომერციული ბანკების მთლიანი გამოშვება შემცირდა. 21 კომერციული ბანკის მთლიანი გამოშვება ოქტომბერში 80.6 მლნ ლარი იყო, რაც ნაკლებია სექტემბრის მაჩვენებელზე, 80.8 მლნ ლარზე, რომელიც წლის მაქსიმუმი იყო.

რაც შეეხება ეროვნულ ბანკს, მისმა გამოშვებამ ოქტომბერში შეადგინა 5.8 მლნ ლარი, რაც წლის მაქსიმუმი არაა და ნაკლებია სექტემბრის მონაცემზე, როცა ცენტრალური ბანკის მთლიანი გამოშვების მაჩვენებელი 7.2 მლნ ლარი იყო. ეროვნული ბანკისთვის წლის მაქსიმუმი, 8.1 მლნ ლარი დაფიქსირდა აგვისტოში.

მოსახლეობისთვის საშეშე მერქმნის მოპოვებაზე ლიმიტი დაწესდა

gela — Sat, 07 Dec 2013 13:18:43 GMT

თბილისი (BPI) – საქართველოს მთავრობის დადგენილებაში შეტანილი ცვლილებების მიხედვით, 2013 წლის 3 დეკემბრიდან საშეშე მერქანზე მოსახლოებისთვის ზღვარი დაწესდა.

გარემოს დაცვის და ბუნებრივი რესურსების მინისტრმა ხათუნა გოგალაძემ, ორშაბათს გამართულ ბრიფინგზე განაცხადა, რომ თითო კომლზე სათბობად გამოსაყენებული შესის მოცულობა 7 კუბური მეტრი იქნება, ხოლო ხე-ტყის დამზადების ბილეთის მოქმედების ვადა 30 დღე. 2013 წლს 3 დეკემბრამდე გაცემული ხე-ტყის დამზადების ბილეთი კი ძალაში იქნება 2014 წლის 1 მარტამდე.

რაც შეეხება სამასალე მერქანს, მისი დამზადების ბილეთი აუცილებლად უნდა იყოს აღებული კალენდარული წლის დასრულებამდე ანუ 31 დეკემბრამდე.

გოგალაძემ განაცხადა, რომ საშეშე მერქნის მოცულობა წინა წლებში მოსახლეობის მხრიდან არსებული მოთხოვნისა და რეალური ათვისების შედეგების ანალიზის მიხედვით დადგინდა.

„ნიკორას“ სუპერმარკეტებში დეკემბრის აქცია დაიწყო

gela — Sat, 07 Dec 2013 13:15:41 GMT

თბილისი (BPI) - თბილისის მასშტაბით, „ნიკორას" სუპერმარკეტების ქსელში დეკემბრის აქცია დაიწყო. კომპანიის სავაჭრო ობიექტებში, მიმდინარე თვის განმავლობაში, საუკეთესო ფასად შეგიძლიათ შეიძინოთ, როგორც სამარხვო, ასევე ახალი წლის პერიოდში ყველაზე მოთხოვნადი და პოპულარული პროდუქცია. კერძოდ, აქცია ვრცელდება „კაიზერის" ბრენდის ნედლად შებოლილ ძეხვეულზე: „სალიამი" პეპერონი, „სალიამი" ორიგინალური, „შინკენვურსტი", „შვაინევურსტი", „შეიკა დელიკატესური", „ჩალაღაჯი" და „უნგრული"; ასევე: „მზარეულის" წარმოების ხინკალი „მთიულური", ქათამი „ფაზენდა", არაყი „ისტინა", ცქრიალა ღვინო „ბაგრატიონი", წვენი „პინარი", ყავა „მაკკოფე" გოლდი, „ნესტლეს" შოკოლადები, რულეტი „როიალ ქეიქი" და სხვა...

რაც შეეხება სამარხვო პროდუქტს - მათ, ვინც მარხვაზეა, „ნიკორა" აქციას შემდეგ პროდუქციაზე სთავაზობს: კარაქი „ჩვენი ფერმერი", ზეთი „ივერია", მაიონეზი „სლობოდა", უმაღლესი ხარისხის ხორბლის ფქვილი „კორონა", მარგარინი „ონა" კრემი, კეტჩუპი „კალვე"...

როგორც „ნიკორას" სუპერმარკეტების ქსელში აცხადებენ, სააქციო პროდუქტების შერჩევა, ტრადიციულად, მომხმარებლების მოთხოვნებისა და პრიორიტეტების გათვალისწინებით მოხდა.