თბილისი (BPI) - სამკურნალო საშუალებების ექსპორტი საქართველოდან იანვარ-ოქტომბერში 60%-ით გაიზარდა და 42 მილიონ 560 ათასი დოლარი შეადგინა.

აქედან დასაფასოებელ პროდუქციას მხოლოდ ძალიან მცირე ნაწილი - 536 ათასი დოლარი უკავია.

აღსანიშნავია, რომ ფარმაცევტული ინდუსტრია საქართველოში წლიდან წლამდე იზრდება. 2009 წელს მედიკამენტების ექსპორტმა - 24 ,2 მილიონი დოლარი, 2010 წელს - 35 მილიონი დოლარი, 2011 წელს 42,3 მილიონი დოლარი, ხოლო შარშან - 52,3 მილიონი დოლარი შეადგინა.