თბილისი (BPI) - ბოლო 5 თვის განმავლობაში ვარდნის შემდეგ, ამ წლის ოქტომბერში დამატებული ღირებულების გადასახადის გადამხდელი საწარმოების ბრუნვის წლიური ზრდა დაფიქსირდა.

„საქსტატის" წინასწარი ინფორმაციით, დღგ-ს გადამხდელთა ბრუნვამ ოქტომბერში 4.136 მლრდ ლარი შეადგინა, რაც გასული წლის ოქტომბერთან შედარებით 5.3%-ით მეტია.

მაისიდან სექტემბრის ჩათვლით, დღგ-ს გადამხდელთა ბრუნვის ზრდის წლიური ტემპი უარყოფითი იყო და ყველაზე დიდი შემცირება მაისში დაფიქსირდა, როცა წლიური ზრდის ტემპი 5.6%-ით შემცირდა.